Мар Байжиевдин «Манас жөнүндө дастан» поэмасы өзбек тилине которулду. Бул тууралуу «Азаттыкка» Ошто өзбек тилинде жарык көрчү «Уш садоси» гезитинин кабарчысы Салтанат Файзуллаева билдирди. Анын айтымында, өзбекстандык жазуучу Учкун Назаров жана оштук акын Малика Комил кызы тарабынан өзбек тилине которулган поэма гезиттин ар бир санына жарыяланып жатат. «Чыгарманы окурмандар жакшы кабыл алып жатышат. Аны китеп кылып чыгаруу аракеттери бар», - дейт Салтанат Файзуллаева. (SE/RK)
