Бүгүн Ош шаарындагы Фрунзе атындагы №24 орто мектепте социалдык педагогдордун бөлмөсү ачылат. АКШнын Кыргызстандагы элчилигинен кабарлашкандай, бул жай аркылуу социалдык педагогдор мектепке жакын жайгашкан кичи райондордогу окуучуларга тарбия беришет. Зарыл психологиялык жардам көрсөтүлөт. Балдар менен иштешүүнү америкалык “Сити Хоуп Интернешнл” кайрымдуулук уюму колго алууда. Социалдык педагогдор үчүн бөлмөлөр буга чейин Ош шаарынын бир катар мектептеринде да ачылган болчу. (KKs)
