Израилдин армия жетекчилери Азербайжанга жакында 1,6 миллиард долларлык пилотсуз учак, антиракеталык радарлар жана башка абадан коргонуу системалары сатыла турганын ырасташты. Азербайжан бул тууралуу Израилдин мамлекеттик аэрокосмикалык ишканасы менен келишимге кол койду. Ирандын тышкы иштер министрлиги ушул ай башында Азербайжанды өз аймагында Израилдин Моссад тыңчылар агенттигинин иш жүргүзүшүнө уруксат берген деп айыптаган. Азербайжан менен Иранды 600 километрден ашуун чек ара сызыгы бөлүп турат.
