Бүгүн, 4-мартта Ош, Токмок жана Каракол шаардык кеңештерге депутаттарды шайлоо жүрүп жатат. Ошондой эле Баткен облусунун Лейлек районуна караштуу Бешкент, Маргун, Жалал-Абад облусунун Тогуз-Торо районундагы Көк-Ирим, Атай, Нарын облусунун Ак-Талаа районундагы Баетов, Терек, Коңорчок, Жерге-Тал, Жумгал районуна караштуу Куйручук, Түгөл-Сай, Таш-Дөбө, Чаек, Кызыл-Жылдыз айылдык кеңештерге шайлоо башталды. Шайлоо бүгүн эртең мененки саат 8де башталып, кечки саат 7де аяктайт. Борбордук шайлоо комиссиясы ар бир эки саатта добуш бергендердин саны боюнча маалымат берип турат. (EBM)
