Экс-президент Дмитрий Медведевдин премьер-министрлик орунга талапкерлигин сунуштаарын жаңыдан шайланган президент Владимир Путин кечээ инаугурациядан кийин дароо айткан. Медведевдин талапкерлигин “Бирдиктүү Орусия” жана ЛДПР фракциялары колдой турганын билдиришти. Коммунисттер фракциясы болсо өлкөдөгү социалдык жана экономикалык кырдаалды жөндөп кете албайт деп Медведевдин өкмөт башчы болушуна каршы добуш берээрин айтып чыгышты.
