Райондук тартип сакчыларынын оперативдүү иш-аракеттери менен 36 койду уурдаган эки адам кармалды. Алар уурдалган койлорду 90 миң сомго сатып ийишкен. Ички иштер бөлүмүнө кайрылган мал ээси койлорун өздөрү койгон эн белгилеринен таанып калган. Аталган мал уурулук боюнча кылмыш иши козголуп, кармалгандар убактылуу кармоо жайына отургузулганын Жалал-Абад облустук ички иштер башкармасынын маалымат катчысы Таалайбек Сусунбаев 26-июнда билдирди.(YA)
