Сабировдун баш коргоо чарасын өзгөртүүнү кароо дагы жылды

Бул тууралуу “Азаттыкка” анын адвокаты Кубанычбек Ташбалтаев билдирди. Анын айтымында, үй камагына чыгаруу арызы боюнча сот процесси Равшан Сабировдун дагы бир жактоочусунун келбей калганынан улам 25-июлга калды.

Социалдык өнүктүү министри Равшан Сабиров 5-июлда камакка алынган. Башкы прокуратура министр менен анын жардамчысы кызматынан кыянаттык менен пайдаланып акча өндүргөн деген айып менен кылмыш иш козгогон. Атайын кызмат бул акча кыргызстандык балдарды башка өлкөгө асыроого берүүнү уюштурган чет өлкөлүк фирманы каттоо үчүн талап кылынганын билдирген. (EBM)