Кыргызстандык дзюдочу биринчи беттеште утулуп калды

Бүгүн кыргызстандык оор салмактагы дзюдочу Юрий Краковецкий Олимпиададагы алгачкы беттешүүсүндө румыниялык Владут Симионескудан утулуп калды. Бул тууралуу Лондон олимпиадасынын расмий сайты билдирүүдө.

Буга чейин кыргызстандык жел кайыкчы Илья Игнатьев, оор атлетчи Бекзат Осмоналиев, мылтык атуу боюнча Руслан Исмаилов, сууда сүзүүдө Дмитрий Александров жана Дарья Таланова жана дзюдочу Чыңгыз Мамедов байгелүү орундарга илинбей калышкан. Лондон олимпиадасына катышууга 14 кыргызстандык спортчу жолдомо алган. (KKs)