Ирандын борбору Тегеран шаарынын жетекчилиги мектеп, университет жана өкмөттүк кеңселерди ишембиге чейин жабууну чечти. Буга борбор калаадагы абанын өтө булганып кеткени себеп болду. Бул күндөрү тез жардам кызматкерлери жана куткаруучулар гана иштешет. Футболчулардын саламаттыгы үчүн Тегерандагы футбол оюндары да кийинкиге жылдырылды. Бийлик жагдайды жөнгө салуу үчүн шаардагы транcпорт кыймылын чектөөнү көздөөдө. Ирандын борбору дүйнөдөгү эң кир шаарлардын катарына кирет.
