Чүйдө өрт кырсыгында бир адам мерт болду

Чүйдүн Аламүдүн районуна караштуу Гроздь айылынын тургуну өрт кырсыгында мерт болду. Бул тууралуу "Азаттыкка" Өзгөчө кырдаалдар министрлигинин маалымат кызматынын башчысы Абдишарип Бекилов кабарлады. Айтымында, Заводская көчөсүндөгү 5-үйдүн 4-батиринин ээси 72 жаштагы Николай Кремнев түтүнгө ууланып каза тапты. Кырсыкка электр жабдууларын пайдалануудагы этиятсыздык себеп болгону айтылууда.

Жалпысынан өткөн суткада Кыргызстандын аймагында 2 өрт кырсыгы катталды. (RK)