УЕФАнын төрагасы Мишел Платини 2022-жылы Катарда уюштурулуп жаткан дүйнө чемпионаты кышында өтүүгө тийиш деп эсептейт. Жай айларында Катарда ысык 40 градустан ашат. Андыктан футболисттер менен көрүүчүлөр кыйналып калышы мүмкүн дейт Платини. ФИФАнын жетекчилеринин бири Жером Валке доктурлар жайкы саратан оюнчулардын саламаттыгы үчүн кооптуу экенин далилдешсе, чемпионатты кышка жылдырууга макул болоорун билдирди.
