Шейшембиде Жогорку Сот Фархад Орозакун уулун 13 жылга кескен Нарын облустук сотунун өкүмүн жокко чыгарып, ишти кайрадан териштирүү үчүн Нарын шаардык сотуна жөнөттү. Бул тууралуу Жогорку Соттун маалымат кызматынан билдиришти. Маалыматка ылайык, буга чейин облустук сот Фархад Орозакун уулун бирөөнү сабады деген айып менен 13 жылга эркинен ажыраткан. Буга нааразы болгон айыпталуучунун энеси Жыпаркан Өмүрова 31-январда Ак үйдүн алдында өзүнө өрт койгон болчу. Учурда Өмүрованын абалы канааттандырарлык.(BkA)
