Ооганстандын батышында талиптердин чабуулунан кеминде 53 адам мерт болду

Ооган бийликтери дагы ондогон кишилер жаракат алышканын айтышууда.

Фарах провинциясынын бийликтеринин айтымында, кечээ жергиликтүү сотто 13 талиптин иши каралып жаткан учурда жанкечти өзүн жардырып жиберген. Анын артынан жети саатка созулган атышуу да болду.

Ички иштер министрлиги кабарлаганына караганда, жараат алган 91 адамдын дээрлик баары жайкын тургундар. Чабуулду уюштурган талиптерден тогуз адам өлгөн.