Жаш ишкерлердин форуму өтөт

23-апрелде Бишкекте жаш ишкерлердин форуму өтөт. Бул тууралуу “Азаттыкка” форумду уюштуруп жаткан Жаш ишкерлер ассоциациясынын аткаруучу директору Руслан Акматбек кабарлады. Анын айтымында, аталган форумга борбордогу жана аймактардагы ишкерлер катышып, Кыргызстандагы ишкерлик кылуунун көйгөйлөрү тууралуу кеп кылып, анын чечүүнүн жолдорун талкуулашат.

Ушул эле күнү көргөзмө уюштурулат. Ага кыргызстандык 80ден ашык ишкана өндүргөн продукциялар коюлмакчы. (BkA)