Чүй облусундагы Аламүдүн райондук милиция Кой-Таштагы аскер бөлүктүн сержантынын өлүмүнө шектүү жоокерди камакка алды. Ички иштер министрлигинен маалымдашкандай, 29-майда 35 жаштагы сержант Азамат Керимбаев менен 21 жаштагы ефрейтор Данияр Мейманбек уулу аскер бөлүктөн анча алыс эмес үйлөрдүн биринде арак ичип отуруп мушташа кеткен. Сержант башынан оор жаракат алып, ооруканада көз жумган. Бул окуяны учурда аскердик прокуратура иликтеп жатат. (EBM)
