Аламүдүн базарынын жанында, Жибек-Жолу жана Алматы көчөлөрүнүн кесилишинде өткөн түнү эки топ ортосунда чатактан мушташ болду. Азырынча окуянын себеби тууралуу күч түзүмдөрүнөн расмий билдирүү боло элек. Бирок “Азаттыктын” милициядагы ишенимдүү булактарынын билдиргенине караганда, жаңжал кыргыз жана уйгур жаштарынын ортосунда чыккан. Ага жол кырсыгы себеп болгон. Окуя болгон жерге шаардык милициянын ыкчам тобу барып, чатакты баскан. Жабыр тарткандар тууралуу маалымат жок. (BkA\RK)
