Кыргызстанда бүгүнтөн тарта Жаштар парламенти иштей баштады. Долбоор АКШ өкмөтү, Эл аралык республикалык институт, Демократияны колдоо фонду жана Жогорку Кеңештин аппараты тарабынан ишке ашууда. Негизги максаты - жаштар арасында жарандык активдүүлүктү калыптандыруу, аларды өлкөнүн коомдук-саясий турмушуна тартуу. Долбоор жаштардын парламент жана башка мамлекеттик органдар менен алакасын бекемдөөгө багытталган. Жаштар парламенти сынак менен иргелип алынган 18 жаштан 29 жашка чейинки 40 мүчөдөн турат. 1,5 жыл аралыгында 7 сессия өткөрүү, Жогорку Кеңештин иши, депутаттары менен таанышуу планы бар. (RK)
