Баткенде бүгүн белгилүү ырчы жана обончу, Кыргыз эл артисти Апаз Жайнаков 52 жашында дүйнө салды. Соңку жылдары ал ооруп жүргөн. Маркумду акыркы сапарга узатуу эртең, 10-октябрда Баткен районунун Үч-Дөбө айылында өтөт. Апаз Жайнаков элдик гимн катары ырдалып жүргөн "Кыргыз жери" ырынын автору. Ал ошондой эле 30га жакын белгилүү ырларды жараткан. Баткен облустук музыкалык драма театрын жетектеген. Соңку жылдары Ош мамлекеттик университетинин искусство факультетинде сабак берчү. (RK)
