Ушу тапта Каракол шаары менен Жети-Өгүз районунун ортосундагы негизги унаа жолдун ар кайсы жерлеринде милициянын жол кайгуул кызматкерлери турат. Алар менен кошо колуна автомат алган атайын кызматкерлер да күзөткө чыккан. Кабарчыбыздын айтымында, алар ар бир машинанын ичин, жүргүнчүлөрдү дыкат текшерүүдө. 7-октябрда Караколдо Кумтөргө байланыштуу митинг учурунда өкмөттүн облустагы өкүлү Эмилбек Каптагаев барымтага алынып, 8-октябрда Жети-Өгүздүн Саруу айылынын 200дөй тургуну шаарга кетчү жолду бир нече саат бууп турган болчу. (MK/RK)
