Швейцария өкмөтү кыргызстандык дыйкандардын сугат суу маселесин чечүү үчүн 8 миллион доллар грант берди. Бул акча Кыргызстанга Дүйнөлүк банк аркылуу келет. Швейцария элчилигинин өкүлү Турсунай Чодурованын "Азаттыкка" айтымында, долбоор сугат суу пайдалануунун ачыктыгын, натыйжалуулугун арттырып, суунун айынан чыккан чыр-чатактардын алдын алат. Долбоорго республиканын баардык аймактарынан 481 ассоциация тартылат. Бул суу пайдалануучулар ассоциацияларынын курамында 236 миң киши бар. (RK)
