“Лезгинка - өмүргө тете бий” фестивалы болот

Кавказ элдерине таандык лезгинка бийи боюнча фестиваль 12-январда башталат. Маданий иш-чара Бишкектеги Чыңгыз Айматов атындагы орус драма театрында болот. Аны театр жамааты Элдердин достугу ассамблеясы менен биргеликте өткөрөт.

Уюштуруучулар “Азаттыкка” билдиргендей, бий кечесине катышуу үчүн Кыргызстан, Казакстан жана Орусиядан тогуз топ катталды.

Фестиваль 13-январда жыйынтыкталат. (SE\AT)