Ош: жол четине 600 түп арча отургузулат

Январь айынын соңуна чейин Оштогу борбордук көчөлөрдүн четине 600 даана арча отургузулат. Бул тууралуу шаардык мэриянын басма сөз кызматы билдирди.
Көчөттөр шаардык жашылдандыруу жана көрктөндүрүү чарба комбинаты тарабынан өстүрүлгөн.

2013-жылдын январь айында деле калаага 1500 арча көчөтү отургузулган. Анын 120сы соолуп калган.

Адистердин айтымында, арча көчөтүнүн тамыры жерге жакшы орношу үчүн кыш чилдесинде отургузулат. (SE)