Оторбаев: Бажы биримдиги биз үчүн саясый эмес, экономикалык маселе

Бажы биримдигине кирүү же кирбөө тууралуу маселе Кыргызстан үчүн саясый эмес, биринчи кезекте экономикалык жактан маанилүү. Бул тууралуу биринчи вице-премьер-министр Жоомарт Оторбаев IDEAS эл аралык уюмунун өкүлдөрү менен жолугушууда айтты. Оторбаевдин айтымында, чечим чыгарууда кыргыз тарап элдин жашоо шартын жакшыртуу боюнча улуттук кызыкчылыктарды эске алып, ошону менен бирге Дүйнөлүк соода уюму алдында алган милдеттенмелерин так аткарат.

IDEAS уюму дүйнөлүк соодага аралашкысы келген кедей өлкөлөргө жардам берет. Бажы биримдигине учурда Беларус, Казакстан жана Орусия мүчө. Кыргызстан сүйлөшүү процессинде. (RK)