Ошто жаңы вице-мэр дайындалды

Оштун вице-мэрлигине ОшМУнун чарба иштери боюнча жетекчи орун басары Жапар Ормонов келди. Бул тууралуу буйрукка Ош шаарынын башчысы Айтмамат Кадырбаев кол койгонун мэриянын маалымат кызматынан билдиришти.

Экономика илимдеринин кандидаты Жапар Ормонов мындан ары шаардын социалдык тармагын тейлемекчи. Ал буга чейин ОшМУнун чарба департаментинин директору, Ош шаардык кеңешинин депутаты болуп иштеген. (YI)