14-мартта Өзбекстан парламентинин ылдыйкы палатасы - Олий Мажилистин мүчөлөрү премьер-министрдин бийлик укугун кеңейтүү маселесин талкуулай баштады. Конституцияга тийиштүү өзгөртүү киргизип, премьердин укугун кеңейтүүнү президент Ислам Каримов сунуш эткенин Олий Мажилистин маалымат кызматы билдирди. Маалыматта Конституцияга киргизилчү түзөтүү өкмөттүн ишмердигиндеги айкындыкты жакшыртары жана БШКны түзүүнү демократиялуу кылары да айтылат.
