Украинанын Крымдагы 193 аскердик бөлүгүндө Орусиянын желеги орнотулду. Бул тууралуу орус Куралдуу күчтөрүнүн Башкы штабынын кол башчысы Валерий Герасимов билдирди. Кечээ орус аскерлери Украинанын акыркы согуштук кемесин ээлеп алган. Крымдын эл аралык коомчулук тааныбаган бийлиги маалымдаганына караганда, украиналык 15 миңдей жоокер Орусиянын күч органдарына өтүү ниетин билдирди. Дагы 1,5 миңдей аскер үй-бүлөсү менен жарым аралдан Украинанын башка чөлкөмдөрүнө көчүп кетүүгө даярданууда. Герасимов алар бүгүнтөн тарта темир жол менен кете алаарын айтты.
