Украинага 1 млрд. доллар жардам, Орусияга санкцияларды караштырган мыйзам долбоорун АКШнын Өкүлчүлүктөр палатасы 378 добуш менен шейшемби күнү кабыл алды. Каршы чыккандар 34 болду. Мыйзам долбоору Сенат тарабынан колдоого алынган, эми ал кол коюу үчүн президент Барак Обамага жөнөтүлдү. Вашингтон Орусиянын Крымды аннексиялашына байланыштуу президент Владимир Путиндин жан-жөкөрлөрүнө жана “Россия” банкына санкцияларды киргизүүдө. Өкүлчүлүктөр палатасы ошондой эле "Эркин Европа" радиосунун Чыгыш Украина жана Крымда активдүүлүгүн күчөтүү үчүн кошумча каражат бөлүү чечимин да кабыл алды. (AiT)
