Линктер

logo-print
дүйшөмбү, 05-декабрь, 2016 Бишкек убактысы 08:44

Кара-Кеченин жолуна эки бекет коюлду


Бул тууралуу “Азаттыкка” Нарын облусунун губернатору Аманбай Кайыпов кабарлады. Ага ылайык, Жумгал районундагы Миң-Куш шаарынан Кара-Кечеге бараткан жолдо Арал деген участокто эки бекет орнотулду. Азыр тараза коюу маселеси чечилип жатат. “Бекеттерде милиция кызматкерлери жана салыкчылардан сырткары Кара-Кечеде көмүр казган бардык ишкананын өкүлдөрү болот. Унаалар ошол жерден кезек-кезек менен жөнөтүлүп турат, кирген-чыккандар көзөмөлгө алынат. Ашыкча жүктөлгөн көмүр болсо, ал бекеттин жанындагы топ базага түшүрүлөт”, -деди Кайыпов.

Кечээ, 22-апрелде премьер-министр Жоомарт Оторбаев Ички иштер министрлигинин жетекчилери менен жолугушууда Кара-Кечедеги кырдаалды талкуулады. Анда көмүрдү мыйзамсыз ташуу токтобой жатканын, көзөмөлдүн жоктугун, бул иштерге уюшма кылмыш топтор менен кошо айрым милиция кызматкерлери аралашып алганын айтып сынга алды. (EBM)

Азаттык Фейсбукта

XS
SM
MD
LG