Линктер

logo-print
ишемби, 03-декабрь, 2016 Бишкек убактысы 15:52

Одессада полициянын имаратына чабуул жасалды


Бүгүн жүздөгөн орусиячыл сепаратисттер Украинанын чыгышындагы Одесса шаарында полициянын кеңсесине чабуул коюшту. Алар бул шаарда 2-майдагы атышууларда 40тан ашуун киши өлгөндөн кийин камалган жолдошторун полиция бошотушун талап кылышты. Алар имараттын дарбазасын ургулап, терезелерин сындырышты. Полиция аларды киргизбегенге аракет кылып жатты.

2-майда Одессада профсоюздар үйүндөгү өрт кагылыштардан кийин башталган. Көп адамдар өрттөн набыт болушкан эле. Полиция ал күнкү окуяларда ондогон кишини камаганын кабарлаган.

Одессага бүгүн премьер-министр Арсений Яценюк барып, азыр зомбулуктун баарын Орусия башкарып турат деп күнөөлөдү. Ал жума күнкү өрттө адамдарды өлүмдөн куткара алышпаганы үчүн өлкөнүн коопсуздук кызматтарын айыптады.

Азаттык Фейсбукта

XS
SM
MD
LG