6-майдан бери Бишкек шаарындагы “Ак кула” ат майданында Жеңиш күнүнө жана белгилүү киноактерлер Үсөн Кудайбергенов менен Сүймөнкул Чокморовдун байгесине карата көк бөрү мелдеши өтүүдө. Өлкө аймагынан тандалган 6 команда мөрөй талашууда.
Талас облусунун тандалма командасы “Суусамыр” командасын утуп алды. Бишкектин “Бөрүлүсү” менен шаардык милициянын командасы 4:4 эсебинде тең чыкты. Ош облусунун “Достугун” Жайыл районунун “Суусамыры” 5:1 эсебинде жеңди. Москва районунун “Асылбашын” Бишкектин “Бөрүлүсү” 3:1 эсебинде утуп алды.
8-майда Ош облусунун “Достук” командасы менен Талас облусунун тандалма командасы беттешүүдө. Андан кийин Москва районунун “Асылбашы” менен Бишкек шаардык ички иштер башкармасынын командасы күч сынашат.
9-майда баш байге үчүн таймаш болмокчу. Бул ирет мелдештин демөөрчүсү “Замандаш” ассоциациясы жана көк бөрү федерациясы болууда. Көк бөрүдөн сырткары да 9-майда кунан, бышты чабыш, аламан байге, жорго салдыруу, оодарыш ат оюндары өтөөрүн “Аргымак” ат оюндар федерациясынын президенти Канат Исаев маалымдады. Кыска аралыктарга асыл тукум күлүктөр да сыналат. (КМа)
Талас облусунун тандалма командасы “Суусамыр” командасын утуп алды. Бишкектин “Бөрүлүсү” менен шаардык милициянын командасы 4:4 эсебинде тең чыкты. Ош облусунун “Достугун” Жайыл районунун “Суусамыры” 5:1 эсебинде жеңди. Москва районунун “Асылбашын” Бишкектин “Бөрүлүсү” 3:1 эсебинде утуп алды.
8-майда Ош облусунун “Достук” командасы менен Талас облусунун тандалма командасы беттешүүдө. Андан кийин Москва районунун “Асылбашы” менен Бишкек шаардык ички иштер башкармасынын командасы күч сынашат.
9-майда баш байге үчүн таймаш болмокчу. Бул ирет мелдештин демөөрчүсү “Замандаш” ассоциациясы жана көк бөрү федерациясы болууда. Көк бөрүдөн сырткары да 9-майда кунан, бышты чабыш, аламан байге, жорго салдыруу, оодарыш ат оюндары өтөөрүн “Аргымак” ат оюндар федерациясынын президенти Канат Исаев маалымдады. Кыска аралыктарга асыл тукум күлүктөр да сыналат. (КМа)
