«Украинанын чыгышында элдешүүнүн мөөнөтү бүтүп жатканда орусиялык телеоператордун набыт кеткени Киевдин бул жаңжалды басууга көңүлү жоктугунан кабар берет» деп билдиди Москва. Орусиянын Тышкы иштер министрлиги «Биринчи каналдын оператору Анатолий Кляндын атып өлтүрүлүшү бүгүн мөөнөтү аяктап жаткан бир тараптуу ок атпоонун шартын Киев аткарбай жаткандыгын далилдейт деген билдирүү таркатты. 68 жаштагы Клян Донецк аймагында башка журналисттер менен автобуста баратканда ок жеп, каза тапты. Аны ким атканы анык эмес. Украинада жаңжал башталгандан бери беш журналисттин өмүрү кыйылса, үчөө орусиялыктар.
