Райондун Атабеков айыл округунун Бек-Абад айылынын 300дөн ашуун жаштары Орозо айт намазын кечээ күнү окушту. Бул тууралуу райондун мусулмандарынын имам хатиби Талант ажы Жороев "Азатыкка" билдирди. Анын айтымында жаштар муфтийдин чечимине баш ийбей, айыл аксакалдарынын айткандарына макул болбой ушул кадамга барышкан.
Ал эми жаштар муфтийдин айтканы эмес, айдын жаңырышына карап намазга жыгылгандыгын, Арабия өлкөсүндө да Орозо Айт 28-июлда белгиленгендигин кошумчалап кетти. Облустук казыят окуяны териштирүүнү баштады. (RsK)
