Улуттук китепкана Кыргыз ССРине эмгек сиңирген актрисанын 70 жылдык мааракесине арнап уюштурган көргөзмөгө анын өмүр-таржымалына таандык сүрөттөр жана китептер коюлган. Каалоочулар 31-июль күнү кечке чейин барып таанышса болорун уюштуруучулар маалымдады.
Таттыбүбү Турсунбаева 1944-жылдын 12-июлунда Жумгалдын Чаек айылында туулган. 1960-жылы 16 жашында "Салиманын ыры" аттуу кыска метраждуу тасмада биринчи жолу тартылган. Акмөөр, Уркуя, Толгонай сыяктуу образдар менен элдин эсинде калган актриса 1981-жылы 37 жашында каза болгон. (SE)
