Бул тууралуу Нарын шаарына мэр болуп жаңы шайланган Рахат Адиев өзү “Азаттыкка” маалымдады. Себеби Борбордук шайлоо коммисиясы 8-сентябрда өткөн шайлоонун мыйзамдуулугун карай элек.
Рахат Адиевдин мэр болууга депуттардын тийиштүү добушуна ээ болгондон кийин, шаардык прокуратура анын мэрликке керек болгон документтери жасалма экенин аныктап, 8-сентябрдагы шайлоо комиссиясынын чечимин жокко чыгарууну БШКадан суранган. Прокуратуранын жүйөсүндө, мэрлик үчүн талап кылынган иш тажрыйбаны толтуруу үчүн эмгек китепчесин оңдотуп, өзү иштебей туруп 9 жыл дыйкан чарба башчысы деп жаздырып алган.
Адиев өзүнө айтылган дооматтарды четке кагат. 8-сентябрда Нарын шаарынын мэрине шайлоо өткөн. Анда беш талапкердин ичинен Рахат Адиев жеңип чыккан. (TSh)
