Москвадагы кыргыз элчилигинен билдиришкендей, 2015-жылдын 1-январынан тарта Орусия өз аймагына кыргыз жарандарын ички паспорт менен киргизбейт. Ушул тапта ал жакта ID-card менен жүргөн атуулдар да жалпы жарандык паспорт алышы керек.
Орусиянын жаңы талаптарына ылайык, 16га толо элек балдарда да жалпы жарандык документ болууга тийиш.
Кыргызстандыктар ички паспорт менен Орусияга кирүү укугуна 2007-жылдын апрель айында ээ болушкан. Ага чейин виза режими иштеген. (SE)
