Жаңы темир жолду куруу боюнча өз ара түшүнүшүү меморандумуна бүгүн Белграддагы саммитте кол коюлду.
Саммитке кытай өкмөт башчысы Ли Кэцян, чыгыш жана борбордук Европанын 16 өлкөсүнүн лидерлери чогулду.
Саммитте Кытай Европанын бул бөлүгүндөгү турумун чыңдоо үчүн 3 миллиард доллардык жаңы инвестициялык кор түзөрүн жарыялады.
Кытай курганы жаткан Белград –Будапешт темир жолу тез ылдамдыкта каттоочу поездге ылайыкташат.
Эртең Белградда кытай өкмөт башчысынын катышуусунда айланма жолдорду бириктирген көпүрөнүн ачылышы болот. Наркы 170 миллион евролук көпүрөнүн курулушун кытайлык компания бүтүргөн. (UE)
