Орусия Федерациясынын Марий Эл республикасынын ички иштер министри Вячеслав Бучнев өзүн-өзү атып набыт болду. Бул тууралуу Орусия ИИМнин маалымат кызматына шилтеме жасап, “Интерфакс” агенттиги кабарлоодо.
Маалыматка караганда, генерал-майор, министр Бучнев 26-декабрдан 8-январга чейин эмгек өргүүсүндө болчу. Бирок жумушуна маал-маалы менен келип турган. Ишемби күнү анын катчысы кабинеттен атылган октун үнүн угуп, кирип барары менен жетекчисинин жансыз денесин көргөн.
55 жаштагы Вячеслав Бучнев бул кызматка 2011-жылы келген. Орусиянын Тергөө комитети министрдин өлүмүнүн себебин иликтөөгө алды.
