Бүгүн Ишенаалы Арабаев атындагы Кыргыз Мамлекеттик университетинде дин иштери боюнча мамлекеттик комиссия, муфтият жана Иран Ислам Республикасынын Кыргызстандагы элчилиги менен биргеликте “Кыргыз Республикасында Ислам таануу багытындагы изилдөөлөрдүн келечеги” аттуу темада илимий-практикалык конференция өтүүдө. Бул тууралуу Кыргызстан мусулмандарынын дин башкармалыгынан кабарлашты.
Конференцияда коомду калыптандыруунун моралдык-руханий аспектилери, жаш муундарды моралдык-нравалык жактан тарбиялоо, конфликттерди жеңүү жана мусулмандар биримдигин чыңдоо, диний тирешүүлөрдөн оолак болуу өңдүү маселелер талкууланууда. (TSh)
