Бишкек шаарынын Лермонтов көчөсүндө пластик эшик-терезе чыгаруу менен алектенген кытайлык ишканага 25-февраль күнү белгисиз бирөөлөр кол салды. Шаардык ички иштер башкармалыгынан “Азаттыкка” билдиришкендей, күбөлөр кол салгандар беткапчан экенин айткан.
Алар ишкана кызматкерлерин ок атуучу курал менен коркутуп, акчасын тартып алып кеткен. Канча каражат тонолгону так эмес. Бул боюнча кылмыш иши козголуп, иликтөө башталды. (SE)
