Бүгүн эртең менен тогуздар чамасында “Эйр – Манас” авиакомпаниясына таандык, Бишкектен учуп барган учак Ош аэропортуна конгон учурда аба-ырайынын катаалдыгына байланыштуу жолунан чыгып кеткен. Окуя болгон жерге Өзгөчө кырдаалдар министрлигинин куткаруучулары барышкан. Бул тууралуу аталган министрликтин маалымат кызматы билдирди. Ош аэропортунун диспетчери Минажат Раимжанованын билдирүүсүнө караганда, жабыркагандар жок.
Кыргызстанда аба ырайы суук болуп, кечээтен бери кар жаап жатат.
