Кургак учукту азайтуу, ооруга каршы күрөштү жандантуу максатында мыкты натыйжа көрсөткөн медициналык мекемелерге атайын жабдуулар берилет. Жалпы суммасы 200 миң долларлык дарылоочу каражаттар, тамак-аш камтылган гуманитардык жардам USAIDдин “Кургак учукту жеңебиз” аттуу долбоорунун алкагында сатылып алынат.
Саламаттыкты сактоо министрлигинен кабарлашкандай, ооруга каршы күрөшүү боюнча жарыяланган бир айлыктын жыйынтыгы бүгүн Бишкектеги “Сити-Отель” комплексинде чыгарылып, жеңүүчүлөр аныкталат.
Жыйындын алкагында үй-бүлөлүк медицина борборлорунун жана кургак учукка каршы күрөшүү боюнча кызматтын адистери менен эл аралык өнөктөштөрдүн жолугушуусу өтөт.
Расмий маалыматтарга ылайык, Кыргызстанда жыл сайын 6 миң киши кургак учукка кабылууда. (SE)
