"Демократия жана жарандык коом үчүн" бейөкмөт уюму Жогорку Кеңештин ишмердүүлүгү боюнча мониторинг жүргүздү.
Долбоордун координатору Диана Макенбаева “Азаттыкка” билдиргендей, алар парламенттин 2011-жылдын январь айынан 2014-жылдын декабрына чейинки ишмердүүлүгүн анализдеген. Анын жыйынтыгы бүгүн Бишкектеги “Парк отель” комплексинде коомчулукка жарыяланып, мыкты жана начар көрсөткүчтөгү фракциялар менен депутаттардын аты-жөнү айтылат.
Парламенттик шайлоо акыркы ирет 2010-жылы болгон. Депутаттардын мөөнөтү быйыл күзүндө аяктайт. (SE)