Си Цзинпин визит маалында негизги бөлүгүн Бээжин каржылачу 46 миллиард долларлык инфраструктура жана энергетика долбоорун жарыялайт деп болжолдонууда. Бээжин жана Исламабад Пакистандын түштүгүндөгү Гвадар портун Кытайдын Шыңжаң провинциясы менен туташтырган экономикалык коридор түзүүнү мерчемдөөдө.
Бул коридор Пакистандын коогалаңдуу жана эли жарды Белужистан провинциясы аркылуу өтмөкчү. Си Цзинпин жана премьер-министр Наваз Шариф Ооганстан менен кызматташуу маселесин да талкуулайт деп жоромолдонууда.
