Украин бийликтери Луганскиде эки орусиялык офицер кармалганын билдирүүдө. Киевдеги маалымат жыйынында украин президентинин өкүлү Донбасстагы жаңжал аймагынан украин аскерлери Орусиянын Башкы чалгындоо башкармалыгынын эки офицерин кармашканын маалымдады. Бул маалымат боюнча Орусия тарап азырынча эч нерсе айта элек.
Өзүн "Луганск элдик республикасы" атап алгандар кармалган эки офицер жергиликтүү милицияда кызмат кылышат деп айтып чыкты.
