Орусиядагы кыргыз элчилиги 2-июнь күнү тараткан маалыматка ылайык, Москва шаарындагы ири автокырсык учурунда бир кыргыз жараны каза тапты. Ал Араван районунун 56 жаштагы тургуну Чынара Таирова экени, жараатынан улам ооруканада өзүнө келбей көз жумганы аныкталды.
Ал эми машинени башкарып бараткан 23 жаштагы Темир Мусалиев учурда Москвадагы №1 ооруканада жатат. Ал Токмок шаарынын тургуну.
Автоунаадагы Армениянын, Өзбекстандын жана Тажикстандын жарандары да мерт болгону кабарланды. Кырсыктын себептери такталууда. (SE)
