Москвада белгисиз адамдар “Коррупцияга каршы күрөшүү” фондунун кызматкери Анна Додоновага кол салышты. Бул тууралуу фонддун негиздөөчүсү Алексей Навальный өзүнүн блогунда жазды. Анын жазышынча, белгисиз адамдар кызматкеринин телефонун, сумкасын жана фонддун иликтөөлөрү сакталган ноутбукту алып кетишкен.
Оппозиционер Додонованы бейтааныш эки адам үйүнүн жанында аңдып жүргөнүн кошумчалады. Милиция азырынча кол салуунун анын ишмердигине байланышы бар-жогун тастыктай элек.
