Ошто Куралдуу күчтөрдүн өздүк курамында коопсуздукту камсыз кылуу, жоокерлердин өлүмүн азайтуу жана армиядагы өкүмзорлдукту жоюуга арналган "тегерек стол" өтөт. Талкууну Коргоо министрлигине караштуу Башкы штаб уюштурууда. Ага Аскер прокуратурасынын өкүлдөрү, жоокерлердин ата-энелери жана укук коргоочулар катышат.
Расмий маалыматтарга ылайык, соңку төрт жылда кыргыз армиясында кызмат кылган 70ке жакын жоокер каза тапкан. (YI)
