УКМКнын 18-июндагы маалымдоосуна караганда, Экономикалык кылмышка каршы күрөшүү боюнча мамлекеттик кызматтын кызматкери Бажы кызматынын кызматкеринен 140 миң сом пара талап кылып, 80 миң сом алып жаткан жеринен кармалды. Экономикалык кылмышка каршы күрөшүү боюнча мамлекеттик кызматтын Чүй жана Талас боюнча башкармалыгынын кызматкери бажы кызматкерине кылмыш козгоо коркунучу менен пара талап кылган. Бул факты боюнча кылмыш иши козголуп, кармалган кызматкер УКМКанын тергөө абагына камалды. (AiT)
