Борбордук шайлоо комиссиясы 4-октябрга белгиленген парламенттик шайлоо алдындагы процесстер тууралуу маалымдама түзүп, аны “Эркин-Тоо” гезитине жарыялады. Анда шайлоо алдындагы үгүт иштеринин жол-жоболору түшүндүрүлүп, эмнелер саясий партиялар үчүн үгүт деп саналары жана башка керектүү маалыматтар берилген.
БШКнын эрежелери боюнча депутаттыкка талапкерлердин тизмесин каттоо 4-сентябрда башталат. Ушул учурдан тарта үгүт маалы расмий башталат. 4-сентябрга чейин жүргүзүлгөн үгүт иштерине мыйзам тыюу салат. (ZKo)
