Линктер

шейшемби, 6-декабрь, 2016 Бишкек убактысы 14:42

Баткенде мектеп формасы боюнча тергөө башталды


Баткен облустук ички иштер башкармалыгынан билдиришкендей, аймакта орто мектеп окуучуларын кийим менен камсыздоо милдетин алган “Бакытка карай жол” фирмасынын үстүнөн тергөө амалдары башталды.

Окуучуларды 15-августка чейин бирдей кийим менен камсыздоо боюнча мектептер жана фирма ортосунда келишим түзүлгөн. Бул үчүн ата-энелерден акча топтолгон. Келишим мөөнөтү бүткөнүнө карабай, фирма өкүлдөрүнөн дайын жок болгондуктан мектеп директорлору жана ата-энелер комитеттери милицияга арыз жазды.

Учурда «Бакытка карай жол» фирмасына кылмыш ишин козгоо маселеси каралып жатат. Алдын ала маалыматка караганда, фирмага миллион сомдон ашуун каражат которулган. (JsA)

Азаттык Фейсбукта

пикирлерди көрсөт

XS
SM
MD
LG